الرئيسية / مقالات سنباط / #كرامة_إنسان : عشان تشحن كارد عدادك تقف فى طابور الكرامه

#كرامة_إنسان : عشان تشحن كارد عدادك تقف فى طابور الكرامه

#كرامة_إنسان : عشان تشحن كارد عدادك تقف فى طابور الكرامه

اخطاء شركة الكهرباء يتحملها المواطن

منذ امس وأنا احاول شحن كارد عداد الكهرباء الخاص بى وكانت الصدمه ذهبت لائيت طابور من 50 فرد من جميع قرى مركز زفتى فتحملت الى ان جاء دورى بعد معانة من حرارة الجو وزحمة الناس وزيادة الرطوبه وكل شىء يدعوك للاستجمام تحت مروحه فى بيتك ألا ان الاستجمام غير مرغوب به حيث الكهرباء فصلت .

المهم وصلت لدورى الحمدلله وصدمت عند الاستعلام عن الكارد تم رفضه لعدم دخوله فى العداد مع انى العداد لسه راكب ومدخلين الكارد

المهم الموظف يصدمنى ويقولى دخل الكارد مرتين وطلعه ضحكت مع انى كنت فى حاله من حرارة الجو وشد وجذب وشتائم وعراك بين المواطنين فى طابور الكرامه ضحكت وقولت هوا الكارد جاى من شركة اخرى المفروض جهازكم يتعرف على اى كارد ز المهم الساعه اصبحت 3 عصرا مينفعش ارجع سنباط تانى عشان ادخله واطلعه على قولهم المهم روحت بيتى وقولت اروح غدا باكر

ذهب اليوم وماشاء الله وجدت الطابور تضاعف وللاسف معرفتش اصور الطابور كله المهم عشان اشحن الكارد لابد من حاجتين.

اولا اعلى صوتى واعمل مشكله مع المدير زى مامواطن عمل امامى والمدير اخد كارده وشحنهوله.

او اتنازل عن حق الطابور وأعمل مشكله وعراك عشان اخد دور مش دورى

او اروح واقول حسبى الله ونعم الوكيل فى الشركه ومديرها ووزيرها

نداء الى معالى وزير الكهرباء

قبل ماكنت تصنع العداد كنت حسبت ابعاده ومشاكله وتنظر لراحة المواطن متبنيش سعادتك على اهانة المواطن.

شحن الكارد لايقتصر على منفذ معين لاكن لابد من تفعيله على ماكينات الكروت المتعدده فى مصر ودى مش صعبه.

اهانة المواطن صعبه جداا وتعطيله عن العمل عشان يشحن كارد.

عشان تشحن كارد تتعطل نص يوم شاق والنص التانى راحه من تعب النص الاول.

كل ده مش خسارة واهانه ودعس كرامه مواطن اتكتب عليه الشقى والقهر تحت قرارات ظالمه من حكومه تدهس الفقير.

هل من الصعب وجود جهاز شحن فى كل قريه بدل ما جهازين لكل مركز .

الرحمه والرأفه بالمواطن ايتها الحكومه غلاء وفقر ومرض.

عن على فوده

شاركنا برأيك لنستفيد

%d مدونون معجبون بهذه: